MSH FRÉTTIR
Fyrirtækjakaffi í mars
Fyrirtækjakaffi marsmánaðar verður haldið miðvikudaginn 6. mars kl. 9:00 á Betri Stofunni.
Fyrirtækjakaffi marsmánaðar verður haldið miðvikudaginn 6. mars kl. 9:00 á Betri Stofunni.
Frábær vettvangur fyrir fólk í atvinnulífinu í Hafnarfirði til að koma saman, styrkja tengslanetið og ræða mál líðandi stundar. Notaleg og óformleg stemmning en umræðuefnið ræðst af því hverjir mæta og brydda upp á efni.
Fyrirtækjaeigendur og lykilstarfsmenn fyrirtækja í Hafnarfirði velkomnir. Framkvæmdastjóri markaðsstofunnar sem og hluti stjórnar verða á staðnum. Við hlökkum til að sjá sem flesta.
15. janúar 2024
LinkedIN 101: Styrktu tengslanetið og gríptu tækifærin á þínum markaði
Námskeið þar sem fjallað verður um alla grunnþætti LinkedIn skref fyrir skref, hvernig má byggja upp sannfærandi prófíl og stækka tengslanetið.
LinkedIn er stærsti fag- og starfstengdi samfélagsmiðill í heimi með um 900 milljónir notendur. Á námskeiðinu verður fjallað um alla grunnþætti LinkedIn skref fyrir skref, hvernig má byggja upp sannfærandi prófíl og stækka tengslanetið. Fjallað verður ítarlega um þær margvíslegu leiðir sem miðillinn býður upp á til að birta efni og styrkja tengsl við annað fagfólk. Einnig verður fjallað um fyrirtækjasíður og hvernig er best að nýta möguleika þar.
Þátttakendur fá afrit af handbók um LinkedIn sem Hans Júlíus hefur tekið saman.
Hver
Hans Júlíus Þórðarson er M.Sc. í viðskiptafræði og stýrir markaðsmálum og efnisþjónustu hjá vefstofunni Vettvangi. Hann hefur undanförnum árum sérhæft sig í efnismarkaðssetningu á B2B markaði en þar spilar LinkedIn stórt hlutverk. Hann hefur haldið námskeið um LinkedIn hjá Endurmenntun HÍ og Austurbrú, sem og fyrirlestra um sama efni í fyrirtækjum eins og Íslandsstofu, Landsbankanum, Advania og Arion banka.
Hvenær og hvar
Þriðjudaginn 12. mars kl. 9:00 – 11:00 á Kænunni
Skráning
Skráningarfrestur til og með 7. mars.
Hans Júlíus Þórðarson
Mynd efst: LinkedIn Sales Solutions on Unsplash
15. janúar 2024
Síðdegis fyrirtækjakaffi eða kokteill
Eftir vel heppnað fyrirtækjakaffi seinnipart dags í október síðastliðinn endurtökum við leikinn og hittumst á Betri stofunni miðvikudaginn 20. mars kl. 17:30.
Eftir vel heppnað fyrirtækjakaffi seinnipart dags í október síðastliðinn endurtökum við leikinn og bætum kokteilaorðinu aftan við heitið. Hittumst á Betri stofunni miðvikudaginn 20. mars kl. 17:30.
Fyrirtækjakaffi/kokteill er frábær vettvangur fyrir fólk í atvinnulífinu í Hafnarfirði til að koma saman, styrkja tengslanetið og ræða mál líðandi stundar. Notaleg og óformleg stemmning en umræðuefnið ræðst af því hverjir mæta og brydda upp á efni.
Fyrirtækjaeigendur og lykilstarfsmenn fyrirtækja í Hafnarfirði velkomnir. Framkvæmdastjóri markaðsstofunnar sem og hluti stjórnar verða á staðnum.
Við hlökkum til að sjá sem flesta.
15. janúar 2024
Frábær fyrirtækjagleði
Starfsfólk aðildarfyrirtækja markaðsstofunnar átti saman dásamlega kvöldstund á Betri stofunni og nutu góðra veitinga bæði í fljótandi og föstu formi.
14. desember 2023
Takk takk takk fyrir frábært kvöld.
Starfsfólk aðildarfyrirtækja markaðsstofunnar átti saman dásamlega kvöldstund á Betri stofunni og nutu góðra veitinga bæði í fljótandi og föstu formi.
Það ríkti afar góður andi og margir að styrkja tengslin eða mynda ný, eitthvað sem við gleðjumst alltaf yfir. Matti Matt sá um ljúfa tóna og jólaandinn sem og hafnfirska samstaðan sveif yfir vötnum.
Takk innilega allir sem mættu. Gaman að enda ákaflega gott starfsár á svona góðum nótum.
Ljósmyndirnar tók Hulda Margrét. Ljósmyndastofa Huldu Margrétar er eitt af aðildarfyrirtækjum okkar.
Heill spilastokkur að hafnfirskum jólagjafahugmyndum
Hugmyndalistinn okkar með 13 hafnfirskum jólagjöfum hefur enn og aftur fengið frábær viðbrögð. Þar sem þetta er fjórða árið sem við útbúum svona lista má segja að við eigum heilan spilastokk eða 52 hugmyndir að hafnfirskum jólagjöfum.
5. desember 2023
Hugmyndalistinn okkar með 13 hafnfirskum jólagjöfum hefur enn og aftur fengið frábær viðbrögð og verið skoðaður nokkur þúsund sinnum. Þá höfum við líka fengið fréttir af því að salan hafi aukist hjá einhverjum fyrirtækjum á listanum góða.
Við í markaðsstofunni skorum á Hafnfirðinga sem og aðra til að gera jólainnkaupin í Hafnarfirði. Hafnfirsk fyrirtæki ýta undir litríkt og öflugt samfélag og án þeirra viljum við ekki vera. Það er því ákaflega mikilvægt að við stöndum saman og styðjum við hafnfirska verslun og þjónustu.
Þar sem þetta er fjórða árið sem við útbúum svona lista má segja að við eigum heilan spilastokk eða 52 hugmyndir að hafnfirskum jólagjöfum sem má skoða hér að neðan.
Fimm ný aðildarfyrirtæki
Enn og aftur gleðjumst við yfir skráningu nýrra fyrirtækja í markaðsstofuna. Að þessu sinni eru það fimm fyrirtæki sem við bjóðum velkomin í okkar góða hóp. Við hlökkum til að kynnast þeim.
24. nóvember 2023
Enn og aftur gleðjumst við yfir skráningu nýrra fyrirtækja í markaðsstofuna. Að þessu sinni eru það fimm fyrirtæki sem við bjóðum velkomin í okkar góða hóp. Við hlökkum til að kynnast þeim.
Í markaðsstofunni má nú finna hátt í 180 fyrirtæki sem eru með rekstur í Hafnarfirði.
Nýju fyrirtækin eru:
Með aðild gefst fyrirtækjunum tækifæri til að styrkja sitt tengslanet innan bæjarins og í sameiningu eflum við og styrkjum hafnfirskt atvinnulíf.
Starfsfólk þessara fyrirtækja fær nú aðgang að fræðslu og fyrirtækjaheimsóknum markaðsstofunnar. Nafn þessar fyrirtækja eru jafnframt komin í pottinn góða þar sem fyrirtæki vikunnar er dregið út.
Vertu með
Við hvetjum rekstraraðila í Hafnarfirði sem ekki eru skráðir í markaðsstofuna að slást í hópinn.
Skráning í Markaðsstofu Hafnarfjarðar
100% ánægja með námskeið
Í gær héldum við námskeiðið Upplifun viðskiptavina lykillinn að árangri og tryggð fyrir starfsfólk aðildarfyrirtækja markaðsstofunnar og má með sanni segja að námskeiðið hafi fengið frábærar viðtökur.
23. nóvember 2023
Í gær héldum við námskeiðið Upplifun viðskiptavina lykillinn að árangri og tryggð fyrir starfsfólk aðildarfyrirtækja markaðsstofunnar. Fyrirlesarinn var Ósk Heiða Sveinsdóttir, framkvæmdastjóri viðskiptavina hjá Póstinum og má með sanni segja að námskeiðið hafi fengið frábærar viðtökur. Samkvæmt námsmati sem við lögðum fyrir í lok þess var hver einasti þátttakandi ánægður með fræðsluna í heild sinni sem og fyrirlesarann og þar af 85% mjög ánægðir.
Ferðalag viðskiptavinarins
Á námskeiðinu talaði Ósk Heiða um ferðalag viðskiptavinarins í gegnum allt kaup- eða þjónustuferlið frá því að þörf verður til og þar til eftir að viðskipti hafa farið fram. Það sé ákaflega mikilvægt fyrir fyrirtæki að kortleggja það til að skilja og aðlaga upplifun viðskiptavinarins. Við þurfum að ákveða hver persónuleiki fyrirtækisins er og passa að það sé samræmi í allri upplifun í gegnum ferlið. Ef við setjum okkur ekki í spor viðskiptavina þá missum við sjónar á möguleikum til að gera betur.
Allt snýst um fólk
Þá lagði Ósk Heiða mikla áherslu á að allt markaðsstarf snúist um fólk hvernig svo sem viðskiptasamböndin eru þá er ávallt fólk á bakvið allar ákvarðanir og upplifanir. Tækifærin liggja því í hæfni okkar til að spá fyrir um hegðun og óskir viðskiptavina og fara ekki á mis við að eiga í virku samtali við þá. Með virku samtali gerist hlutirnir nefnilega hraðar og árangurinn verður meiri. Þá er mikilvægt að nýta öll tækifæri til sóknar, meðal annars með því að nýta alla snertifleti við viðskiptavini til að koma samræmdum skilaboðum og persónuleika vörumerkisins til skila.
Mikilvægi tengslanetsins
Ósk Heiða fékk annars alla á námskeiðinu til að kynna sig og segja af hverju þau voru komin hingað. Þá hvatti hún alla til að vera duglega að tengjast og tók loforð af hópnum að tala allavega við fjóra einstaklinga í salnum, eitthvað sem hún temur sér alltaf að gera á viðburðum. Við í markaðsstofunni vorum ákaflega ánægð með þessa hvatningu en starf okkar snýst einmitt að miklu leiti að efla tengslanet hafnfirskra fyrirtækja.
Stóð undir væntingum
Við þökkum öllum sem mættu fyrir komuna og góðar spurningar en hver og einn einasti sagði í námsmatinu að fræðslan hafi staðið undir væntingum. Þá voru líka allir á því að fræðslan muni nýtast sér í starfi, þar af sögðu 77% að það væri mjög líklegt en 23% nokkuð líklegt.
Að lokum þökkum við Ósk Heiðu fyrir frábæra fræðslu.
Morgunkaffi með Sjónvarpi Símans
Sjónvarp Símans býður aðildarfyrirtækjum markaðsstofunnar í morgunhitting til að kynna nýja auglysingakerfið sitt.
20. nóvember 2023
Sjónvarp Símans er með nýtt stafrænt auglýsingakerfi sem gerir fyrirtækjum af öllum stærðum og gerðum kleift að auglýsa í sjónvarpi, með pakka frá 50.000 krónum. Síminn getur núna targetað (miðað) auglýsingar t.d. á póstnúmer, þætti, markhópa og fleira, þannig fæst enn betri nýting á markaðsfé. Þá getur fyrirtækið einnig aðstoðað við gerð auglýsinga.
Sjónvarp Símans ætlar að bjóða aðildarfyrirtækjum markaðsstofunnar í morgunhitting til að kynna þetta nýja auglýsingakerfi þar sem meðal annars er hægt að beina auglýsingu sérstaklega að póstnúmerum 220 og 221.
Öll sem mæta fá 30 daga fríáskrift að Sjónvarpi Símans og auglýsingatilboð í Sjónvarp Símans.
Hvenær og hvar: þriðjudaginn 28. nóvember kl. 9:15 í Ægi 220, Strandgötu 90 (sama hús og Íshús Hafnarfjarðar)
Skráning
Nauðsynlegt er að skrá sig í forminu hér að neðan. Skráningarfrestur til og með 24. nóvember.
13 frábærar hafnfirskar jólagjafahugmyndir
Fjórða árið í röð tökum við saman 13 hugmyndir að hafnfirskri jólagjöf.
Við skorum á Hafnfirðinga sem og aðra til að gera jólainnkaupin í Hafnarfirði. Hér er allt til alls þegar kemur að verslun og þjónustu og ákaflega notalegt og jólalegt að spássera um bæinn, kaupa jólagjafir og fá sér ef til vill eitthvað góðgæti í kjölfarið.
Fjórða árið í röð tökum við saman 13 hugmyndir að hafnfirskri jólagjöf.
Við skorum á Hafnfirðinga sem og aðra að gera jólainnkaupin í Hafnarfirði. Hér er allt til alls þegar kemur að verslun og þjónustu og ákaflega notalegt og jólalegt að spássera um bæinn, kaupa jólagjafir og fá sér ef til vill eitthvað góðgæti í kjölfarið.
Gjafakort fyrir bensíni gæti verið tilvalin gjöf fyrir unga fólkið sem er nýbúið að eignast bíl.
Atlantsolía
Lónsbraut 2
Ef einhver barnshafandi er á þínum jólagjafalista væri gjafabréf í rólega og nærandi meðgöngu- og mömmujógatíma eða meðgöngusund tilvalin gjöf.
Faðmur jógastúdíó
Lífsgæðasetrinu St. Jó
Stílhrein og falleg veggspjöld af tunglmyndum og stjörnukortum. Ákaflega persónuleg gjöf þar sem myndirnar eru útbúnar fyrir hvern og einn og hvert veggspjald því einstakt.
Hjart
Hafnarfirði
Ætlar þú að gleðja fjórfætling um jólin? Hundaföt, beisli, hálsólar, taumar, bakpokar, skór, bæli, leikföng, öryggisljós og fleira í þessari hafnfirsku vefverslun.
Hundurinn.is
Hafnarfirði
Stílhreinir, nútímalegir og klassískir skartgripir úr eðalmálmum, handsmíðaðir á Strandgötunni.
Katrín Þórey gullsmiður
Strandgötu 43
Dýrindis jólakassar í ýmsum stærðum og gerðum sem m.a. má velja í hreindýrapate, sveitapate, heitreykta gæsabringu, grafinn lax, hangilæri, hamborgarhrygg, nautalund og rauðlaukssultu.
Kjötkompaní
Dalshrauni 13
Íþróttafatnaður, hlaupaskór, takkaskór og kuldaskór, skíðagallar og ullarfatnaður fyrir fólk á öllum aldri ásamt ýmsum varningi tengdum íþróttaliðum.
Músík og sport
Reykjavíkurvegi 60
Gjafabréf í djúpslökun er nærandi gjöf sem losar m.a. um spennu og streitu. Hægt að velja um nokkrar gerðir af gjafabréfum.
Saga Story House
Flatahrauni 2
Glæsilegir demantsskartgripir úr hvítagulli, gulli og silfri. Einnig mikið úrval af herraskarti.
Sigga & Timo
Linnetstíg 2
Öflug nýsköpun í yfir 100 ára fyrirtæki
Góður hópur fulltrúa aðildarfyrirtækja markaðsstofunnar fór nýverið í heimsókn til Héðins á Gjáhellu, sem er meðal stærstu fyrirtækja bæjarins sem og eitt af okkar aðildarfyrirtækjum.
14. nóvember 2023
Góður hópur fulltrúa aðildarfyrirtækja markaðsstofunnar fór nýverið í heimsókn til Héðins á Gjáhellu, sem er meðal stærstu fyrirtækja bæjarins sem og eitt af okkar aðildarfyrirtækjum.
Vel var tekið á móti hópnum af Rögnvaldi, framkvæmdastjóra, Matthíasi fjármálastjóra og Jóni Trausta framleiðslustjóra.
Yfir 100 ára reynsla
Héðinn fagnaði 100 ára afmæli á síðasta ári og er eitt stærsta fyrirtæki landsins á sviði málmvinnslu og véltækni. Fyrirtækið þjónar einna helst sjávarútveginum en meðal viðskiptavina eru einnig orkufyrirtæki, stóriðjufyrirtæki ásamt ýmsum nýsköpunar- og þróunarfyrirtækjum.
Hópurinn fékk að skoða starfsemina og húsnæðið sem er virkilega glæsilegt og rúmgott en það er um tíu þúsund fermetrar og ákaflega vel tækjum búið.
Nýsköpun mikilvæg
Fyrirtækið er duglegt að þróa sig áfram og leggur mikið upp úr nýsköpun. Þessa dagana er m.a. verið að setja upp nýsköpunarsetur sem verður vonandi opnað fljótlega og þegar búið að ráða nýsköpunarstjóra. Þá fékk Héðinn nýverið viðurkenningu frá Creditinfo um að vera framúrskarandi í nýsköpun.
Sem dæmi er Héðinn að taka upp nýja aðferð við að vinna ryðfrítt stál sem er mun umhverfisvænna en þær aðferðir sem hafa verið nýttar hingað til. Þeir eru fyrsta fyrirtæki landsins og í raun með þeim fyrstu í Evrópu til að tileinka sér þessa aðferð. Í heimsókninni fengum við líka stutta kynningu á starfi HPP, Héðinn Protein Plant, sem hannar og þróar mjölverksmiðjur í skip og á landi sem nota 30% minni orku, taka 30% minna pláss og framleiða þar af leiðandi enn betra prótein.
Öflugur hópur starfsfólks
Hjá Héðni starfa að jafnaði um 130 starfsmenn með dótturfélaginu Héðinshurðum og þá eru þeir einnig með hóp verktaka sem sinna ýmsum verkefnum. Margir hafa starfað lengi hjá fyrirtækinu, einn í heil 50 ár og framkvæmdastjórinn á bráðum 30 ára starfsafmæli. Meðalaldur starfsmanna hefur þó farið lækkandi á undanförnum árum en mikið er lagt upp úr því að hafa gaman í vinnunni og hjá þeim starfar öflugt starfsmannafélag.
Takk fyrir okkur
Við þökkum þeim í Héðni fyrir að taka ákaflega vel á móti okkur. Það var afar áhugavert að fá að skoða starfsemina og heyra um allt sem þið eruð að fást við. Þá voru allir mjög ánægðir með hafnfirsku lyklakippurnar sem þeir skáru út í gær til að færa okkur.
